عراقی عوام ایرانی حمایت کو کبھی نہیں بھولیں گے، مصطفی الکاظمی

تکفیریوں کے ساتھ جنگ میں عراقیوں و ایرانیوں کا خون باہم مل چکا ہے
تہران (نیوز ڈیسک) عراقی وزیراعظم مصطفی الکاظمی نے ولی امر مسلمین آیت اللہ سید علی خامنہ ای کے ساتھ اپنی ملاقات کو ایک عظیم سعادت قرار دیا اور مختلف مواقع، خصوصا داعش کے خلاف عراق کو حاصل ایرانی حمایت کا شکریہ بھی ادا کیا، مصطفی الکاظمی نے کہا کہ عراقی عوام، ایرانی حمایت کو کبھی نہیں بھولیں گے جبکہ حقیقت یہ ہے کہ تکفیریوں کے ساتھ جنگ کے دوران عراقیوں و ایرانیوں کا خون باہم مل چکا ہے، عراقی وزیر اعظم نے کہا کہ ایران و عراق کے درمیان استوار تعلقات، گہرے، قدیمی، تاریخی، تمدنی اور مذہبی ہیں جن کی بنیاد اہلبیت علیہم السلام کے ساتھ عشق و محبت پر استوار ہے،انہوں نے کہا کہ رہبر مسلمین کے گرانقدر ارشادات و نصائح تمام مشکلات کے حل کی چابی ہیں