امام خمینیؒ کی سب سے بڑی خصوصیت خدا محوری ہے، علامہ باقر نجفی

امام خمینیؒ سیرت آئمہ ؑکے مطابق زاہدانہ اور سادہ زندگی بسر کرتے تھے، محمد عالم ساجدی
دادو(پ ر) اصغریہ علم و عمل تحریک پاکستان ڈویژن دادو کی جانب سے امام خمینی رضوان اللہ کی برسی کے موقع پر سیمینار کا انعقاد کیا گیا، جس کی صدارت مرکزی جنرل سیکریٹری شہزاد رضا نے کی جب کہ خصوصی خطاب علامہ محمد باقر نجفی، اور سابق مرکزی صدر محمد عالم ساجدی نے کیا ، علامہ محمد باقر نجفی نے کہا کہ امام خمینیؒ کی سب سے بڑی خصوصیت خدا محوری ہے آپ نے اپنے معصوم رہنماو¿ں کی تعلیمات کی روشنی میں صرف رضائے پروردگار کو اپنی زندگی کا مقصد بنایا تھا وہ کبھی بھی مخلوق کی مرضی کو خدا کی رضا پر مقدم نہیں کرتے تھے ، عالم ساجدی نے کہا کہ امام خمینیؒ اپنے معصوم رہنماو¿ں کی سیرت پر عمل کرتے ہوئے انتہائی زاہدانہ اور سادگی کی زندگی بسر کرتے تھے دوران طالب علمی سے لیکر ملک کے سب سے زیادہ طاقت ور عہدے پر فائز ہونے تک آپؒ کی زاہدانہ زندگی میں کوئی تبدیلی نہیں آئی ، شہزاد رضا نے کہا کہ سید روح اللہ خمینی ؒانسان کا نہیں ایک فکر کا نام ہے، ایسی فکر جو اذہان کو بیدار کرے ۔