Raza Musani 
اسلام آباد : برسر اقتدار حکومت صیہونی حکومت سے تعلقات کی وکالت کرنے لگی۔ اتحادی حکومت میں شامل پیپلزپارٹی کے سینیٹر اور خزانہ کمیٹی کے چیئرمین سلیم مانڈوی والا نے کہا ہے کہ ہمیں کسی بھی ملک کے ساتھ بات چیت اور تجارت بند نہیں کرنی چاہیے۔ لوگ اسرائیل پر تنقید کرتے ہیں مگر ہمیں اپنے مفادات کی نگہبانی کرنا ہوگی۔ مشرق وسطیٰ کے تمام ممالک اسرائیل سے بات چیت اور تجارت کر رہے ہیں۔ اس لیے پاکستان کو بھی وہی کرنا چاہیے جو اس کے اپنے مفاد کے مطابق ہے۔ البتہ اب دیکھنا یہ ہے کہ اسرائیل کے ساتھ معاہدہ پاکستان کے مفاد میں ہے یانہیں۔
