Raza Musani 
بغداد: عراق کی نئی پارلیمنٹ نے اپنے پہلے اجلاس میں سنی سیاستدان محمدالحلبوسی کو ایک بار پھر اسپیکر منتخب کرلیا۔ 329 رکنی پارلیمنٹ میں 228 ارکان نے حق رائے دہی استعمال کیا۔ محمدالحلبوسی کو 200 جبکہ ان کے مخالف محمود المشہدانی کو صرف 14 ووٹ ملے جبکہ 14ووٹ مسترد کردئے گئے۔ اجلاس کے دوران اس وقت بھگدڑ اور افراتفری کی صورتحال پیدا ہوئی جب مشہدانی کی صحت اچانک بگڑگئی اور انہیں اجلاس کی صدارت چھوڑ کر اسپتال لے جانا پڑا۔مشہدانی کی اچانک صحت بگڑنے کے بعد سب سے عمررسیدہ رکن پارلیمان خالد الدراجی نے کی۔ اب پارلیمان نئے صدر کا انتخاب کرے گی جو اکثریتی جماعت کو حکومت سازی کی دعوت دیں گے۔ صدر پارٹی کے حکیم الظلمی اور کردستان ڈیموکریٹک پارٹی کے شخوان عبداللہ کو ڈپٹی اسپیکرز منتخب کرلیا گیا۔ سب سے بڑے بلاک کے رہنما کی حیثیت سے شیعہ مذہبی پیشوا مقتدیٰ الصدرکو نئے وزیراعظم کے انتخاب میں برتری حاصل ہے۔
