موجودہ عالمی مالیاتی نظام ٹوٹ پھوٹ کا شکار ہوچکا ہے، سیکریٹری جنرل اقوام متحدہ

ڈیووس : اقوام متحدہ کے سیکریٹری جنرل انتونیو گوتریس نے کہا ہے موجودہ عالمی مالیاتی نظام ٹوٹ پھوٹ کا شکار ہے۔ ٹوئٹر پیغام میں انتونیو گوتریس نے لکھا کہ ترقی پزیر ملکوں کو وسائل، قرضوں میں نرمی اور سرمایہ کاری سے محروم رکھا جا رہا ہے۔ ان کا یہ بھی کہنا ہے کہ "ڈیووس” میں انہوں نے بزنس لیڈرز پر زور دیا کہ وہ مالیاتی اصلاحات کی حمایت کریں تاکہ اس سے تمام ملکوں اور ان کے عوام کو فائدہ پہنچ سکے۔ خیال رہے کہ ورلڈ اکنامک فورم (ڈبلیو ای ایف) کی ہر سال کی کانفرس ڈیووس کے الپائن ریزارٹ میں منعقد کی جاتی ہے، اس کانفرس میں کاروباری سربراہان کو سیاست، خیرات اور تعلیم کے شعبوں کے بڑے ناموں کے ساتھ بٹھایا جاتا ہے۔ اس کے علاوہ اقوام متحدہ اور یورپی یونین کے سربراہان بھی اس کانفرس میں موجود ہوتے ہیں۔