Raza Musani 
غزہ : غزہ میں اسرائیلی فوج کے مظالم ایک سو پندرہ روز سے جاری ہیں۔ چوبیس گھنٹوں میں بمباری سے مزید ایک سو اسی فلسطینی شہید ہوگئے ہیں۔ اسرائیلی فوج فلسطینیوں کو رفح کی جانب دھکیل رہی ہے۔ خان یونس میں شدید جنگ جاری ہے۔حماس کی کارروائیاں بھی تیز ہوگئی ہیں۔ الجہاد اور القدس بریگیڈ نے بھی متعدد علاقوں پر حملے کیے ہیں جس سے اسرائیلی فوج کو بھاری نقصان پہنچا ہے۔ قابض اسرائیلی فوج نے مزید چار فوجیوں کی ہلاکت کی تصدیق کردی ہے۔ غزہ میں شکست سے خوفزدہ اسرائیلی فوج نے نہتے افراد کو نشانہ بنانا شروع کردیا ہے۔ بارودی مواد سے شہریوں سمیت عمارتوں کو تباہ کرنے کی شکایات بھی سامنے آئی ہیں۔عالمی عدالت انصاف کے فیصلے کے بعد بھی غزہ میں قتل عام جاری ہے اور مزید ایک سو اسی فلسطینی شہید ہوگئے ہیں۔شہدا کی مجموعی تعداد ساڑھے چھبیس ہزار کے قریب پہنچ گئی ہے.
