دوحہ میں پاکستانی حکام کی اسرائیلی حکام سے مبینہ ملاقات، شیریں مزاری نے معاملہ اٹھادیا

اسلام آباد : رہنما تحریک انصاف شیریں مزاری نے دوحہ میں شہباز شریف یا پاکستانی حکام کی اسرائیلی حکام سے مبینہ ملاقات کا معاملہ اٹھادیا۔ شیریں مزاری نے ٹوئٹ کیا کہ اسرائیلی خفیہ ایجنسی موساد کا خصوصی مشن جیٹ این467 اے ایم اسرائیل سے دوحہ پہنچا۔ یہ طیارہ تقریباً 9 گھنٹے تک شہباز شریف کے طیارے کے ساتھ کھڑا رہا۔ یہ تمام معلومات کھلے ہوائی جہاز ٹریکر سے حاصل ہوئیں۔ شیریں مزاری نے سوال اٹھایا کہ کیا شہباز شریف یا پاکستانی حکام کی اسرائیلی حکام سے طیارے کے اندر کوئی ملاقات ہوئی؟ کیا میڈیا پر پکڑے جانے سے بچنے کیلئے کوئی ملاقات طیارے کے اندر ہوئی؟ یہ امریکی حکومت کی تبدیلی کا ایجنڈا ہو سکتا ہے؟ شیریں مزاری نے مطالبہ کیا کہ وزارت خارجہ کی جانب سے اس پر کوئی وضاحت آنی چاہیے۔