Raza Musani 
تہران : طالبان وزیرخارجہ امیر خان متقی نے تہران میں معروف جہادی رہنما اسماعیل خان اور معروف کمانڈر احمد شاہ مسعود کے بیٹے احمد مسعود سے ملاقات کی اور ان سے افغانستان واپسی کی اپیل کردی طالبان کے نائب ترجمان بلال کریمی نے کہا ہے کہ امیر خان متقی نے اسماعیل خان اور احمد مسعود دونوں کو اطمینان دلایا ہے کہ وہ کسی بھی تشویش اور پریشانی کے بغیر وطن واپس آجائیں۔ انہیں مکمل تحفظ فراہم کیا جائے گا اسماعیل خان اور احمد مسعود دونوں طالبان مخالف رہنما شمار ہوتے ہیں۔ امیر خان متقی ایک اعلیٰ سطح کے وفد کے ہمراہ دوروزہ دورے پر اتوار کو تہران پہنچے تھے۔ ایران کی وزارت خارجہ کے ترجمان نے اس ملاقات کے حوالے سے کہا کہ تہران مختلف افغان دھڑوں کا میزبان ہے، اور ہمیں امید ہے کہ ان ملاقاتوں کا افغان عوام کے لیے اچھا نتیجہ برآمد ہوگا۔
