تین برس گزر گئے سانحہ سیہون کے متاثرین کو انصاف نہ مل سکا

سانحہ سیہون، سانحہ شکارپور، سانحہ جیکب آباد سمیت دیگر سانحات میں ملوث تکفیری دہشتگردوں کو بے نقاب کرتے ہوئے ان کے مقدمات کو فوجی عدالتوں میں چلایا جائے،علامہ ناظر تقوی
سانحہ سیہون سمیت دیگر قومی سانحات میں ملوث تکفیری دہشتگردوں کے خلاف اب تک کوئی کارروائی نھیں کی گئی اور نا ہی شہدا کے لواحقین کو انصاف ملا،علامہ سید تقی شاہ نقوی
سیہون (نیوز ڈیسک) سانحہ درگاہ لال شہباز قلندرؒ کے شہدا کی تیسری برسی اور شہدائے مدافعان حرم کے چہلم کی مناسبت سے سیہون شریف میں جلسے کا اہتمام کیا گیا جس میں ہزاروں لوگوں نے شرکت کی، اجتماع سے خطاب کرتے ہوئے شیعہ علماء کونسل سندھ کے صدر علامہ ناظر عباس تقوی نے کہا کہ سانحہ درگاہ لال شہباز قلندرؒ میں ملوث تکفیری دہشت گردوں اور ان کے سہولت کاروں کے خلاف کارروائی نہ ہونے کی بنیادی وجہ پاکستان میں آئین و قانون کی بالادستی کا ناہونا ہے،علامہ ناظر تقوی نے مطالبہ کیا کہ سانحہ سیہون، سانحہ شکارپور، سانحہ جیکب آباد سمیت دیگر سانحات میں ملوث تکفیری دہشتگردوں کو بے نقاب کرتے ہوئے ان کے مقدمات کو فوجی عدالتوں میں چلایا جائے،انھوں نے کہا کہ شیطان بزرگ امریکا اور اس کی ناجائز اولاد اسرائیل نے پوری دنیا کے امن کو داؤ پر لگا رکھا ہے، علامہ سید تقی شاہ نقوی کا کہنا تھا کہ سانحہ سیہون سمیت دیگر قومی سانحات میں ملوث تکفیری دہشتگردوں کے خلاف اب تک کوئی کارروائی نھیں کی گئی اور نا ہی شہدا کے لواحقین کو انصاف ملا، سندھ کی سرزمین پر کالعدم جماعتوں کی سرگرمیاں سندھ حکومت اور قانون نافذ کرنیوالے اداروں کے منہ پر طمانچہ ہیں۔