طالبان حکومت خواتین کو عام زندگی سے محروم کررہی ہے، اقوام متحدہ

نیویارک : اقوام متحدہ کے ماہرین نے افغانستان پر رپورٹ جاری کردی، رپورٹ میں حکومت کی جانب سے خواتین کو حقوق نہ دینے کا ذکر کیا گیا ہے۔ رپورٹ میں کہا گیا ہے کہ طالبان حکومت خواتین کو عام زندگی سے محروم کررہی ہے۔افغان طالبان نے لڑکیوں پر سخت لباس کوڈ نافذ کردیا ہے۔ رپورٹ کے مطابق خواتین کو ملازمت، پبلک ٹرانسپورٹ استعمال کرنے سے منع کردیا گیا ہے۔ اس سے قبل طالبان ترجمان ذبیح اللّٰہ مجاہد نے کہا تھا کہ افغانستان میں لڑکیوں کے تمام اسکول مارچ کے آخر تک کھلنےکی امید ہے۔