Raza Musani 
واشنگٹن : پابندیوں کے مرض میں مبتلا امریکا اور یورپی یونین نے روس پر مزید پابندیاں عائد کردیں۔ امریکا نے نئی پابندیوں میں روس کے دھاتوں۔ کان کنی کے شعبے اور مالیاتی اداروں کے ساتھ ساتھ بین الاقوامی فرموں کو نشانہ بنایا ہے جن پر االزام ہے کہ جو پابندیوں سے بچنے کے لئے روس کی مدد کررہی تھیں۔ بائیڈن انتظامیہ نے چین اور دیگر ملکوں کو بھی پیغام بھیجا ہے کہ وہ روس کی مدد کرنے سے گریز کریں تاکہ پابندیوں سے بچ سکیں۔ امریکا نے متاثرہ اتحادی ملک کے لیے 2ارب ڈالر کے ہتھیار دینے کا بھی اعلان کیا ہے۔اُدھر یورپی یونین نے روس کے خلاف پابندیوں کے دسویں پیکج کی منظوری دے دی ہے۔ برسلز سے کئے گئے اعلان کے مطابق نئی پابندیوں کا مقصد روس کو ٹیک آلات اور اسلحے کے اسپیئر پارٹس کی فراہمی محدود بنانا ہے۔ جبکہ روس کے مزید کئی بینکوں کو عالمی مالیاتی نظام سوئفٹ سے نکال دیا گیا ہے۔ واشنگٹن میں روس کے سفیر اناطولی انتونوو نے کہا ہے کہ ان پابندیوں کے کسی قسم کے اثرات نہیں پڑیں گے۔
