اسپین اور آئرلینڈ کا اسرائیل سے آزاد تجارتی معاہدہ معطل کرنے کا مطالبہ

میڈرڈ: اسپین اور آئرلینڈ نے یورپی یونین سے اسرائیل کے ساتھ آزاد تجارتی معاہدہ معطل کرنے کا مطالبہ کردیا۔اسپین اور آئرلینڈ دونوں یورپی یونین کے دیگر ممالک کے ساتھ کئی ماہ سے ای یو اسرائیل ایسوسی ایشن معاہدے پر نظرثانی کے لیے بات چیت کر رہے ہیں۔ کیونکہ اسرائیل معاہدے کی انسانی حقوق کی شق کی خلاف ورزی کر رہا ہے۔ اسپین کے وزیر اعظم پیڈرو سانچیز نے یورپی یونین کے رکن ممالک پر زور دیا ہے کہ وہ غزہ اور لبنان میں اسرائیل کے اقدامات پر بلاک کے آزاد تجارتی معاہدے کو معطل کر دیں۔ آئرش وزیر خارجہ مائیکل مارٹن نے اسرائیل پر الزام لگایا کہ وہ دنیا کو یہ دیکھنے سے روکنے کی کوشش کر رہا ہے کہ اس کی فوجیں لبنان اور غزہ میں کیا کر رہی ہیں۔ انہوں نے کہا کہ آخر اسرائیل کا اقوام متحدہ کے امن دستوں سے اسرائیل اور لبنان سے پیچھے ہٹنے کے مطالبے کا کیا مقصد ہے، تاکہ وہ آزادی کے ساتھ جو چاہتا ہے وہ کرتا رہے۔ انہوں نے کہا کہ دنیا کے پاس واقعی غزہ میں کیا ہو رہا ہے اس کی کوئی مکمل تصویر نہیں ہے۔