Raza Musani 
نیویارک: اقوام متحدہ کی سیکیورٹی کونسل نےافغانستان کو امدادی اشیاء بھیجنے پر پابندی اٹھانےکے لیے قرارداد منظور کر لی ہے۔ غیر ملکی میڈیا کے مطابق منظور کردہ قرار داد میں کہا گیا ہے کہ کوئی بھی بین الاقوامی ادارہ افغانستان میں امدادی کام کرنا چاہے تو اس پر کوئی پابندی نہیں ہوگی۔ بشرطیکہ امدادی فنڈ طالبان حکومت کے حوالے نہ کیا جائے۔ قرارداد کی منظوری کے بعد بنیادی ضروریات زندگی کی اشیاء افغانستان بھیجنے پر کوئی پابندی نہیں ہوگی جبکہ ابتدائی طور پر یہ قرار داد ایک سال کے لیے موثر ہوگی۔
