فرقہ واریت کاناسور اتحادِ امت کے لئے تباہ کن ہے، پیر اعجاز ہاشمی

علماءذمہ داری کا مظاہرہ کریں ، فرقہ وارانہ کشیدگی کے واقعات افسوسناک ہیں
لاہور ( پ ر ) جمعیت علمائے پاکستان کے مرکزی صدراور نائب صدر متحدہ مجلس عمل پیراعجاز احمد ہاشمی نے کہا ہے کہ فرقہ واریت ایک ناسور ہے ، جس کے خلاف قائد اہل سنت علامہ شاہ احمد نورانی ؒ کی قیادت میںشیعہ سنی اکابرین نے ملی یکجہتی کونسل کے پلیٹ فارم سے ماضی میں مشکل مرحلے سے گزر کر بڑی جدوجہد کی ، اس سے فرقہ وارانہ کشیدگی میں واضح کمی واقع ہوئی، اہل بیت اطہارؑ،ازواج مطہرات ؓاور صحابہ کرام رضی اللہ عنہم کی توہین کو حرام اور قابل جرم قرار دیا گیا ہے۔چنددنوں سے کچھ شر پسند عناصر کی طرف سے جو فضا ملک میں بنائی جارہی ہے، غیر ملکی سازش،اتحاد امت کے لئے تباہ کن اور قابل مذمت ہے۔ علماءذمہ داری کا مظاہرہ کریں ، فرقہ وارانہ کشیدگی کے واقعات افسوسناک ہیں