بن سلمان کیخلاف ریمارکس پر سعودی خاتون گرفتار

خاتون نے مصری سماجی کارکن سے چیٹنگ میں بن سلمان کو ابومنشر کہا تھا
جدہ (نیوز ڈیسک) سوشل میڈیا پر سعودی ولی عہد شہزادہ محمد بن سلمان کو ابو منشر کہنے پر انسانی حقوق کی کارکن امان الزائن کو گرفتار کرلیا گیا، 40 سالہ امانی الزین نے ایک مصری سماجی کارکن کے ساتھ ویڈیو چیٹ میں محمد بن سلمان کو تنقید کا نشانہ بناتے ہوئے”ابو منشر“ کہا تھا،وہ فیس بک اور ٹویٹر دونوں پر سرگرم رہتی تھی اور زیادہ تر طرز زندگی اور ادب کے بارے میں روزانہ کئی پوسٹ شائع کرتی تھی، جب بھی وہ سیاست سے خطاب کرتی تھیں ، وہ بڑے پیمانے پر سعودی عرب کے حمایتی رائے پر اظہار خیال کرتی تھیں ، جنیوا کونسل برائے رائٹس اینڈ لبرٹیز نے سعودی حکام سے الزائن کو رہا کرنے کا مطالبہ کیا۔