سعودیہ کا یمن میں فوجی کارروائی سمیت مختلف آپشنز پر غور

صنعا: سعودی عرب نے یمن میں فوجی کارروائی سمیت مختلف آپشنز پر غور شروع کردیا۔ امریکی سے بھی مشاورت مکمل کرلی۔ میڈل ایسٹ آئی کی رپورٹ کے مطابق سعودی وزیر دفاع خالد بن سلمان نے امریکی حکام کے ساتھ ممکنہ کارروائی پر تبادلۂ خیال کیا۔
رپورٹ میں امریکی اور علاقائی حکام کے حوالے سے دعویٰ کیا گیاہےکہ سعودی شاہی قیادت کے اندر یمنی انصار اللہ سے نمٹنے کے طریقۂ کار پر مختلف آراء پائی جاتی ہیں۔ رپورٹ میں کہا گیا ہے کہ سعودی عرب اور انصار اللہ کے درمیان چار سال سے جاری جنگ بندی حالیہ جھڑپوں کے باعث دباؤ کا شکار ہے۔ جس سے یمن میں دوبارہ لڑائی کے خدشات بڑھ گئے ہیں۔ تجزیہ کاروں کا کہنا ہے کہ اگر سعودی عرب اور حوثیوں کے درمیان دوبارہ جنگ شروع ہوئی تو یمن کا انسانی بحران مزید سنگین ہو سکتا ہے جبکہ تیل کی عالمی منڈی اور سعودی معیشت بھی متاثر ہو سکتی ہے۔