مشکلات سے نمٹنے کیلئے علاقائی تعاون ناگزیر ہے،قطر

بیرونی مداخلت جاری رہی تو تعاون کا امکان ختم ہو جائے گا،وزیر خارجہ
دوحا(نیوز ڈیسک)قطر کے وزیر خارجہ شیخ محمد بن عبد الرحمن آل ثانی نے موجودہ چیلنجوں سے نمٹنے کیلئے مغربی ایشیا کے ملکوں کے درمیان باہمی تعاون کو ضروری قرار دیا ہے،انہوں نے کہا ہے کہ کورونا وائرس کے پھیلاو¿ نے تمام ملکوں کے لیے لاتعداد اقتصادی مشکلات پیدا کردی ہیں ، اگر خطے کے ممالک ان مشکلات پر قابو پانا چاہتے ہیں تو انہیں ایک دوسرے کے ساتھ تعاون کرنا ہوگا،شیخ عبد الرحمن آل ثانی نے واضح کیا کہ اگر جھڑپوں اور خطے کے ملکوں میں بیرونی مداخلت کا سلسلہ اسی طرح جاری رہا تو مستقبل کے بحرانوں سے نمٹنے کیلئے تعاون کا امکان ختم ہو جائے گا اور یہ بات انتہائی تشویشناک ہوگی۔