امریکا، کینیڈا، برطانیہ اور یورپی ممالک میں اسرائیل کیخلاف ریلیاں اور مارچ

نیویارک: امریکا، کینیڈا اور یورپی ممالک میں ہزاروں افراد نے فلسطینیوں سے اظہار یکجہتی کے لیے ریلیاں نکالیں اور غزہ پر اسرائیلی حملے بند کرنے کا مطالبہ کیا۔
نیویارک سٹی میں فلسطینی حامیوں نے غزہ کو بھوکا مرنا بند کرو؛ کے عنوان سے مارچ کیا۔ طالب علم رہنما محمود خلیل نے بھی مارچ میں حصہ لیا۔ مظاہرین برائنٹ پارک میں جمع ہوئے اور نعرے لگائے۔ کینیڈا کے شہر ٹورنٹو میں فلسطینی حامی ہزاروں افراد سڑکوں پر نکل آئے اور غزہ پر اسرائیل کی جانب سے مسلط غذائی قلت کے خاتمے کا مطالبہ کیا۔
بکھنگم شائر میں ہزاروں افراد نے رائل ایئر فورس بیس کا گھیراؤ کیا اور مطالبہ کیا کہ برطانیہ غزہ میں فلسطینیوں کے خلاف اسرائیل کی نسل کشی کے ساتھ فوجی تعاون ختم کرے۔
آئرلینڈ کے دارالحکومت ڈبلن میں بھی طبی شعبے کے ہزاروں افراد نے احتجاجی مارچ کیا۔ اسکاٹ لینڈ کے شہر گلاسگو میں مظاہرین نے سٹی سینٹر تک ریلی نکالی۔
سویڈن کے دارالحکومت اسٹاک ہوم میں مظاہرین اوڈنپلان اسکوائر میں جمع ہوئے اور غزہ اور مغربی کنارے میں صحافیوں کو نشانہ بنانے کے خلاف احتجاج کیا۔