پارہ چنار میں تحریک حسینی کے دفتر پر چھاپہ ،عوام کا احتجاج

 حالات کی بہتری کیلئے ہر ممکن اقدامات کئے جائیں گے،ایم ڈبلیو ایم کی یقین دہانی
پارہ چنار (نیوز ڈیسک) ضلع کرم کے صدر مقام پاراچنار میں ایف سی اور پولیس نے تحریک حسینی کے دفتر پر چھاپہ مارا اور رہنماوں کو گرفتار کرنے کی کوشش کی ، جس پر تحریک حسینی کے رہنما اور عوام پرامن طور پر احتجاج کرتے ہوئے سڑکوں پر نکل آئے اور مرکزی امام بارگاہ کا رخ کیا ، انتظامیہ نے تحریک حسینی کے صدر مولانا حاجی عابد حسین جعفری، علامہ مزمل حسین، علامہ سید تجمل حسین اور شبیر حسین ساجدی کیخلاف مقدمہ درج کیا ہے،ادھر مجلس وحدت مسلمین خیبر پختونخوا کے سیکرٹری جنرل علامہ سید وحید عباس کاظمی نے وفد کے ہمراہ تحریک حسینی کے رہنماوں سے ملاقات کی ، علامہ وحید کاظمی نے تحریک حسینی کے رہنماوں کو یقین دہائی کرائی کہ وہ فوری طور پر حالات سے مرکزی قیادت کو آگاہ کریں گے اور حالات کی بہتری کیلئے ہر ممکن اقدامات کئے جائیں گے