قدس فورس کے کمانڈر اسماعیل قاآنی ولی امر مسلمین سے نشان فتح وصول کریں گے

تہران : ایرانی پاسداران انقلاب کے کمانڈر کے مشیر ابراہیم جباری نے کہاہے کہ قدس فورس کے کمانڈر اسماعیل قاآنی بہ خیریت ہیں اور جلد ہی ولی امر مسلمین آیت اللہ سید علی خامنہ ای سے تمغہ نشان فتح وصول کریں گے۔ انہوں نے حزب اللہ کے ڈپٹی سیکریٹری جنرل شیخ نعیم قاسم کے خطاب کے بارے میں کہا کہ شیخ نعیم قاسم کی تقریر فتح و کامرانی اور مکمل آمادگی کی نوید تھی۔ نعیم قاسم نے کہا تھا کہ اگر کوئی کمزوری یا مشکل تھی تو ہم نے اس کی تلافی کردی ہے۔ انہوں نے اس بات پر زور دیا کہ شام میں گزشتہ رات کے حملوں میں کوئی ایرانی نہیں تھا۔