Raza Musani 
ماسکو: روس نے اپنی فوج میں تمام ہندوستانیوں کو فارغ کرنے کا فیصلہ کرلیاہے۔ روسی حکومت نے یہ فیصلہ روسی صدر ولادیمیر پیوٹن اور ہندوستانی وزیراعظم نریندر مودی سے ملاقات میں کئے گئے اتفاق رائے کے بعد کیا۔ بھارتی وزیر اعظم نریدر مودی دو روزہ سرکاری دورے پر روس میں ہیں جہاں پر انہوں نے روس کے صدر ولادیمیر پوتن کے سامنے کئی مسٔلوں کو اٹھایا ہے۔ وزیراعظم نریندر مودی نے صدر ولادیمیر پیوٹن کے ساتھ ملاقات میں یہ مسئلہ اٹھایا تھا۔ روسی صدر نے ہندوستانیوں کو فارغ کر کے ان کی وطن واپسی میں سہولت فراہم کرنے پر بھی اتفاق کیا ہے۔
یاد رہے کہ یوکرین اور روس کی جنگ کے دوران دو بھارتی ہلاک ہوچکے ہیں جبکہ درجنوں جنگی علاقے میں پھنسے ہوئے ہیں ۔این ڈی ٹی وی کے مطابق تقریباً 24 ہندوستانی شہریوں کو ایجنٹوں نے نوکریاں دلانے کا جھانسہ دیا اور پھر روس لا کر انہیں یوکرین کے خلاف جنگ لڑنے پر مجبور کیا گیا۔
