Raza Musani 
لاہور: محکمہ داخلہ پنجاب نے عیدالاضحیٰ پر کالعدم تنظیموں پر قربانی کی کھالیں اکٹھی کرنے پر پابندی عائد کردی۔ محکمہ داخلہ کے مطابق کسی کالعدم تنظیم کو قربانی کی کھالیں اکٹھی کرنے کی اجازت نہیں ہوگی۔ صرف چیریٹی کمیشن کیساتھ رجسٹرڈ ادارے قربانی کی کھالیں وصول کر سکیں گے۔ عوامی مقامات پر سری پائے جلانے پر دفعہ 144 لاگو ہو گی۔ عید کی چھٹیوں میں دریاؤں، ندی نالوں اور ڈیمز میں نہانے اور کشتی رانی کی اجازت بھی نہیں ہوگی۔ جانوروں کے فضلے اور اوجھڑی کو مین ہول یا نہروں میں پھیکنے پر بھی دفعہ 144 نافذ ہوگی۔ انسانی جانوں کی حفاظت کیلئے عارضی نصب ہونیوالے مکینیکل جھولوں پر پابندی عائد ہوگی۔
