برطانیہ میں سیاسی بحران

تحریر: اتوسا دیناریان

سابق برطانوی وزیراعظم بورس جانسن اور ان کے کچھ معتمد ساتھیوں کے پارلیمانی نمائندگی سے مستعفی ہونے کے بعد لیبر پارٹی کے کچھ اراکین نے قبل از وقت انتخابات کا مطالبہ کر دیا ہے۔ جانسن اور دو ٹوری ممبران پارلیمنٹ کے مستعفی ہونے کے بعد لیبر لیڈر روڈنی سٹارمر نے ٹویٹ کیا: "اس مضحکہ خیز عمل کو روکنا ہوگا۔ لوگ گندی ٹوری حکومت اور ایک کمزور وزیراعظم سے تھک چکے ہیں، جس کو کسی نے منتخب نہیں کیا، عوام اس سے تھک چکے ہیں۔” جانسن نے چند روز قبل نام نہاد "پارٹی گیٹ” معاملے کے بعد برطانوی پارلیمنٹ کے رکن کی حیثیت سے استعفیٰ دے دیا تھا۔ پارٹی گیٹ اسکینڈل نومبر 2021ء میں "ڈیلی مرر” اخبار میں ایک رپورٹ کی اشاعت کے ساتھ سامنے آیا تھا۔

اس اخبار کی رپورٹ کے مطابق برطانوی وزیراعظم کے دفتر نے کورونا پابندیوں کے دوسرے دور کے درمیان اور ایسی صورتحال میں جہاں بند جگہوں پر غیر ضروری اجتماعات پر پابندی عائد کی گئی تھی، جانسن نے، ایک پارٹی اور غیر ضروری تقریبات کا اہتمام کیا۔ اس رپورٹ کے بعد جانسن حال ہی میں اپنا دفاع پیش کرنے کے لیے پارلیمنٹ کی خصوصی تحقیقاتی کمیٹی کے سامنے پیش ہوئے۔ بورس نے اس اسکینڈل کی پوری ذمہ داری یہ کہتے ہوئے قبول کی کہ یہ خلاف ورزیاں کورونا کی وبا کے درمیان جان بوجھ کر نہیں کی گئیں۔ لیکن اب رکن پارلیمنٹ کے عہدے سے استعفیٰ دے کر جانسن نے کورونا قرنطینہ کے دوران حکومتی ارکان کی خلاف ورزیوں کی پارلیمانی کمیٹی کی تحقیقات کے نتائج کو عام کرنے سے روک دیا ہے۔ جانسن کا دعویٰ ہے: "یہ رپورٹ اسے برطرف کرنے کے عزم کو ظاہر کرتی ہے۔”

حالیہ مہینوں میں کمیٹی اس بات کی تحقیقات کر رہی ہے کہ آیا جانسن نے اس وقت سخت قرنطینہ قوانین کے باوجود، لندن کی ڈاؤننگ سٹریٹ میں واقع سرکاری ہیڈکوارٹر میں غیر قانونی سرگرمیوں کے بارے میں ہاؤس آف کامنز سے جھوٹ بولا تھا۔ جانسن کا برطانوی پارلیمنٹ سے اچانک اور اعلیٰ سطحی استعفیٰ ملک کے عام انتخابات سے ایک سال قبل کنزرویٹو پارٹی کے اندر گہری تقسیم کو ظاہر کرتا ہے۔ جانسن کے علاوہ، سابق وزیراعظم، نادین ڈورس اور نائیجل ایڈمز، ان کے اتحادیوں اور معتمدوں نے بھی بطور رکن پارلیمان اپنے عہدوں سے استعفیٰ دے دیا ہے۔ گذشتہ دنوں برطانوی پارلیمنٹ سے حکمران کنزرویٹو پارٹی کے تین ارکان کے مستعفی ہونے سے اس جماعت کی ساکھ گرنے میں تیزی آئی ہے اور دوسری جانب گہری اقتصادی بحران کے درمیان ملک کے عام انتخابات کی تقدیر مزید غیر یقینی ہوگئی ہے۔

یہ صورتحال کنزرویٹو پارٹی سے تعلق رکھنے والے برطانوی وزیراعظم رشی سوناک کے لیے ایک نیا چیلنج بن گئی ہے۔ ڈیموکریٹک کنزرویٹو آرگنائزیشن کے ڈیوڈ کیمبل بینرمین؛ اس تناظر میں کہتے ہیں کہ یہ کنزرویٹو پارٹی میں ایک عملی تقسیم ہے اور ہم بورس کے گرد جمع رہیں گے۔” اعلان کردہ شیڈول کے مطابق برطانوی عام انتخابات 11 ماہ بعد یعنی اکتوبر 2024ء میں ہوں گے۔ برطانوی ووٹروں کے لیے معیشت سب سے اہم ترجیح ہے۔ برطانوی وزیراعظم سوناک نے بینک سود کی شرح کو کم کرنے کے لیے افراط زر کی شرح کو کم کرنے کا وعدہ کیا ہے، جو کہ لاکھوں برطانوی گھرانوں کے قرض کی ادائیگیوں کو براہ راست متاثر کرتا ہے۔

بینک آف گریٹ برطانیہ کی مانیٹری پالیسی کمیٹی نے گذشتہ ڈیڑھ سال میں شرح سود کو 0.1% سے بڑھا کر 4.5% کر دیا ہے اور اس فیصلے کے باعث برطانوی شہریوں کے ایک بڑے حصے کی زندگی کی لاگت میں اضافہ ہوا ہے۔ برٹش ریٹیل کنفیڈریشن (BRC) نے حال ہی میں اعلان کیا کہ "مئی 2023ء میں افراط زر بڑھ کر 9% ہوگیا، جو کہ اپریل میں 8.8% تھا۔” رشی سوناک کے حکومتی فیصلوں سے پیدا ہونے والے معاشی مسائل کو دیکھتے ہوئے یہ قیاس آرائیاں بھی کی جا رہی ہیں کہ جانسن دوبارہ اقتدار میں آئیں گے۔ جانسن کے ایک بااثر حامی "جیکب ریس موگ” نے اس تناظر میں لکھا: "کنزرویٹو پارٹی کے سابق رہنماء اگلے عام انتخابات میں آسانی سے پارلیمنٹ میں واپس آسکتے ہیں۔”

عوامی آراء وسیع پیمانے پر مختلف ہیں کہ آیا جانسن خود کو سیاسی بھول بھلیوں میں دھکیل رہا ہے یا درحقیقت سنک پر کامیابی کے لیے تیاری کر رہا ہے۔ ویسے بھی اگر برطانوی پارلیمنٹ میں کنزرویٹو پارٹی کے دیگر ارکان کے استعفوں کا ڈومینو جاری رہا تو دیگر حلقوں میں ضمنی انتخابات ہوں گے، جو کنزرویٹو کے لیے اچھی خبر نہیں ہوگی۔ کیونکہ اس الیکشن میں حریفوں کی جیت سے قدامت پسند پارٹی کی سیاسی صورت حال اور قدامت پسند برطانوی وزیراعظم رشی سوناک کی پوزیشن مزید کمزور ہو جائے گی۔