Raza Musani 
تل ابیب: اسرائیل نے مقبوضہ مغربی کنارے میں غیرقانونی صیہونی آبادکاریوں کی توسیع کے لیے بارہ ہزار نئے مکانات کی تعمیر کا منصوبہ منظور کر لیا ہے۔ اسرائیلی حکومت نے ساڑھے آٹھ ارب شیکل، یعنی دو ارب تیس کروڑ ڈالر کے فریم ورک معاہدے پر دستخط کیے ہیں۔ منصوبے کے تحت مقبوضہ مغربی کنارے میں بارہ ہزار نئے مکانات اور بنیادی ڈھانچے کے بڑے منصوبے تعمیر کیے جائیں گے۔ معاہدے کی تقریب میں وزیر اعظم بنیامین نیتن یاہو، وزیر خزانہ بتسلئیل اسموٹریچ اور دیگر اعلیٰ حکام نے شرکت کی۔ اسرائیلی ذرائع نے اس منصوبے کو غیر قانونی صیہونی آبادکاریوں میں توسیع کی جانب ایک بڑا قدم قرار دیا ہے۔ اسرائیلی تنظیم پیس ناؤ کے مطابق مقبوضہ مغربی کنارے اور مشرقی القدس میں لاکھوں غیرقانونی صیہونی آبادکار رہائش پذیر ہیں۔
