Raza Musani 
دوحہ : حماس کی قیادت نے امریکی منصوبہ قبول اور اسرائیل سے معاہدہ نہ کیا تو اسے گرفتار کرلیا جائے گا۔ امریکی اخبار وال اسٹریٹ جنرل کے مطابق امریکا نے جو بائیڈن پلان سامنے آتے ہی حماس پر زور دیا تھا کہ وہ اس معاہدے کو قبول کرے۔ لیکن حماس نے ایک سے زائد بار اپنے الگ الگ رہنماؤں سے یہ باور کرا دیا کہ مستقل جنگ بندی اور فوجی انخلاء کے بغیر کوئی معاہدہ قبول نہیں ہوگا۔ اخبار کے مطابق امریکہ اپنے اتحادیوں پر زور دیا تھا کہ وہ حماس کو دباؤ میں لائیں تاکہ اسے معاہدے پر آمادہ کیا جا سکے۔ حماس کے قائدین کو آگاہ کر دیا گیا تھا کہ اگر انہوں نے اسرائیل کے ساتھ جنگ بندی قبول نہ کی تو ان کے اثاثے منجمد کر دیے جائیں گے۔ انہیں قطر اور مصر سے بے دخلی کا سامنا کرنا پڑے گا۔ اور قائدین کی گرفتاریاں بھی کی جائیں گی۔ اخبار کے مطابق ایسا لگ رہا ہے کہ حماس قیادت کو دھمکیوں کے نتائج سامنے نہیں آرہے ہیں۔ کیونکہ حماس کے قائد اسماعیل ھنیہ نے اس امر کی تصدیق کی ہے کہ حماس اپنی شرائط پر پورا نہ اترنے والے معاہدوں پر راضی نہیں ہوگی۔
