Raza Musani 
تہران: پاکستان کا ایران سے 100 میگا واٹ اضافی بجلی کی فراہمی کا معاہدہ طے پا گیا ہے۔ دونوں ممالک کے مابین یہ معاہدہ وفاقی وزیر توانائی خرم دستگیر کے دورہ ایران میں طے پایا جس کے بعد دونوں ممالک کے درمیان معاہدے پر دستخط بھی کردیے گئے ہیں۔ وفاقی وزیر خرم دستگیر نے اس حوالے سے کہا ہے کہ ایران سے بلوچستان کو 100 میگا واٹ اضافی بجلی کی فراہمی کے معاہدے پر دستخط کردیے گئے ہیں۔ معاہدے کے تحت منصوبے کو کم سے کم وقت میں مکمل کیا جائے گا اور اس کی تکمیل سے بلوچستان کے عوام کو ریلیف ملے گا۔
