Raza Musani 
کابل : پاکستان اور افغانستان نے دہشت گردی کے خطرے سے مؤثر طریقے سے نمٹنے کے لیے تعاون پر اتفاق کیا ہے۔پاکستانی وزیردفاع خواجہ محمد آصف کی زیر قیادت اعلیٰ سطح کے وفد نے کابل کا دورہ کیا اور خطے میں دہشت گردی کے بڑھتے خطرے، ٹی ٹی پی اور داعش کے معاملات پر تبادلہ خیال کیا۔ پاکستانی وفد نے افغان وزیر دفاع مولوی یعقوب،وزیرداخلہ سراج الدین حقانی اور وزیر خارجہ امیرخان متقی سے بھی ملاقات کی۔ افغان وزراتی کونسل کے بیان میں کہا گیا ہےکہ طرفین نے اقتصادی تعاون، علاقائی رابطے، تجارت اور دوطرفہ تعلقات پر تبادلہ خیال کیا ہے۔ملّاعبدالغنی برادر نےکہا کہ پاکستان اور افغانستان ہمسایہ ممالک ہیں اور انکے درمیان خوشگوار تعلقات ہونےچاہییں۔ سیاسی اور سلامتی کے امور سے دونوں ممالک کے درمیان تجارتی اور اقتصادی تعلقات کو متاثر نہیں کرنا چاہیے اور انھیں سیاسی اور سیکیورٹی مسائل سے الگ رکھاجانا چاہیے۔ افغان نائب وزیراعظم نے پاکستانی وفد سے کہا کہ وہ اپنی جیلوں میں قید افغانوں کو رہا کرے۔
