وبا کی شدت میں اضافہ، پابندیوں کیخلاف برسلز اور واشنگٹن میں احتجاج

برسلز: دنیا بھر میں کورونا وائرس کی شدت میں اضافہ ہوگیا۔24 گھنٹوں کے دوران 22لاکھ سے زائد کیسز سامنے آگئے۔جبکہ 48 سو افراد جان سے گئے۔ بھارت پھر سے وبا کا گڑھ بننے لگا۔3لاکھ سے زائد کیسز کے ساتھ سرفہرست آگیا۔ 689 اموات کے ساتھ روس سب سے آگے۔فرانس، امریکا اور اٹلی میں بھی وبا شدت اختیار کرگئی۔ ادھرکورونا پابندیوں نے شہریوں کو بیزار کردیا۔ امریکی دارلحکومت واشنگٹن میں ہزاروں افراد نے ویکسین اور ماسک کی پابندی کیخلاف ریلی نکالی اور لنکن میموریل کے سامنے بینرز لے کر احتجاج کیا۔ بیلجیم کے دارلحکومت برسلز میں کورونا پابندیوں کیخلاف احتجاج پرتشدد ہوگیا۔ پولیس اور مظاہرین کےدرمیان جھڑپوں میں متعدد افراد زخمی، درجنوں کو گرفتار کرلیا گیا۔