آن لائن کلاسز سے والدین کے اخراجات میں اضافہ ہوا ہے، برادر جری سجاد

کراچی(پ ر)آئی ایس او جعفرطیار یونٹ کے سیکریڑی تعلیم برادر جری سجادنے ایک بیان میں کہا ہے کہ کورونا وائرس ایمرجنسی کے دوران بے روزگاری کی شرح حد سے تجاوز کرگئی ہے، ایسی صورت میں والدین بچوں کی اسکول فیس بامشکل ادا کرپارہے ہیں ، آئی ایس او جعفرطیار یونٹ طلبہ کی امداد کے سلسلے میں ضرورت مند طلبہ کی فیس جمع کروارہی ہے۔ انہوں نے مزید کہاکہ وزارت تعلیم کی جانب سے فیس میں 20 فیصد کمی کے نوٹیفیکیشن کے باوجود جعفرطیار سوسائٹی کے بیشتر اسکول فیس میں کمی نہیں کررہے جو کہ قابل افسوس عمل ہے، دوسری جانب آن لائن کلاسز کی وجہ سے والدین کے اخراجات میں اضافہ ہوا ہے ایسی مشکل کی گھڑی میں اسکولوں کو فیس میں فوری کمی کی جانی چاہیے۔