مہنگائی کے سوال پر امریکی صدر اخلاقیات بھی بھول گئے، صحافی کو گالی دیدی

واشنگٹن: امریکی صدر جوبائیڈن مہنگائی سے متعلق سوال پر طیش میں آگئے اور مائیک کھلے ہونے کا احساس کیے بغیر صحافی کو گالی دیدی جو ریکارڈ بھی ہوگئی امریکی صدر جوبائیڈن صحافیوں سے گفتگو کر رہے تھے اختتام پر فوکس نیوز کے صحافی نے مہنگائی سے متعلق سوال کردیا۔ صحافی کے سوال ’’کیا مہنگائی کی ذمہ دار حکومت نہیں ؟ ‘‘ کے جواب میں انھوں نے طنزیہ کہا کہ نہیں مہنگائی ایک اثاثہ ہے۔ اس کے بعد سب اُٹھ گئے۔ جو بائیڈن سمجھے کہ مائیک بند کردیا گیا ہے اور انھوں نے آہستہ سے صحافی کو احمق کہا اور کتیا کابچہ جیسے نازیبا الفاظ ادا کیے جو اس وقت شور شرابے میں کسی کو سنائی نہیں دیئےالبتہ جب بعد میں نیوز کانفرنس کی ریکارڈنگ سنی گئی اور ویڈیوز کلپس وائرل ہوئیں تو بھانڈہ پھوٹ گیا۔