کورونا وائرس کی نئی لہر قہر ڈھانے لگی یومیہ کیسز کا نیا ریکارڈ

نیویارک : دنیا بھر میں کورونا وائرس کی نئی لہر قہر ڈھانے لگی اور ایک دن میں کورونا کیسز کا نیا ریکارڈ بن گیا ہے۔ دنیا بھر میں 13 تا 19 جنوری اوسط یومیہ 30 لاکھ سے زائد کورونا کیس رپورٹ ہوئے ہیں۔رپورٹ کے مطابق اومی کرون ویرینٹ کی تصدیق کے بعد کورونا کیسز میں 5 گنا سے زائد اضافہ ہوا ہے۔ گزشتہ ہفتے کے مقابلے میں کورونا کیسز کی تعداد 17 فیصد زائد رہی۔ 13 جنوری سے 19جنوری کے دوران اوسطاً یومیہ اموات 7522 رپورٹ ہوئیں جو کہ گزشتہ ہفتے کے مقابلے میں کورونا سے ہونے والی اموات سے 11 فیصد زائد ہیں۔