Raza Musani 
تل ابیب : صیہونی وزیراعظم نیتن یاہو نے جنگ کے خاتمے کیلئے حماس کے ساتھ مذاکرات شروع کرنے کی ہدایت کردی۔
غزہ ڈویژن کے ہیڈکوارٹر کے دورے کے دوران ویڈیو بیان میں نیتن یاہو نےکہا کہ انہوں نے قابل قبول شرائط پر تمام مغویوں کی رہائی کیلئے فوری طور پرمذاکرات شروع کرنے کی ہدایت کی ہے۔ انہوں نے کہا کہ وہ غزہ سٹی پر قبضے اور حماس کو شکست دینے کے منصوبے کی منظوری دینے آئے ہیں۔
ادھر آسٹریلیا کے اسکائی نیوز کو انٹرویو میں نیتن یاہو نے کہا کہ حماس جنگ بندی اور یرغمالیوں کی رہائی کے معاہدے کو قبول کرے یا نہ کرے دونوں صورتوں میں اسرائیل غزہ پر فوجی کنٹرول حاصل کرے گا۔ صیہونی وزیر اعظم نے مزید کہا کہ اسرائیل غزہ کی جنگ جیتنے کے قریب ہے اور حماس کی مزاحمت کو ختم کرنا ناگزیر ہے۔
