امریکا ایران تنازع میں نہ جنگ نہ امن کی صورتحال ناقابل قبول ہے، قطر

دوحہ: قطر نے امریکا اور ایران کے درمیان جاری تنازع میں نہ جنگ نہ امن کی صورتحال کو ناقابل قبول قرار دیا ہے۔ قطری وزارت خارجہ کے میڈیا و کمیونیکیشن ڈپارٹمنٹ کے ڈائریکٹر ابراہیم الہاشمی نے کہا کہ خطے میں یہ صورتحال جاری رہنا ناقابل قبول ہے اور اس سے پورا خطہ متاثر ہورہا ہے۔ انہوں نے کہا کہ بحران کا خاتمہ مذاکرات کے ذریعے ہونا چاہیے اور کشیدگی کو مزید بڑھنے سے روکنے کے لیے سفارتی کوششیں ضروری ہیں۔ ابراہیم الہاشمی نے آبنائے ہرمز کو کسی شرط کے بغیر دوبارہ کھولنے کا مطالبہ بھی کیا۔ انہوں نے کہا کہ آبنائے ہرمز کو کسی فریق کی جانب سے دباؤ کے لیے استعمال نہ ہونے دینا قطر کی اولین ترجیحات میں شامل ہے۔