Raza Musani 
سپاہ پاسداران انقلاب اسلامی ایران کی جانب سے شہید اسماعیل ہنیہ اور سید حسن نصر اللہ کی شہادتوں کے انتقام میں اسرائیل پر وعدہ صادق 2 آپریشن کے عنوان سے کئی سو میزائلوں کے حملے پر غزہ اور لبنان میں جشن منایا گیا ہے۔ لبنانی دارالحکومت بیروت میں ایران کے اسرائیل پر حملے کی خبر سامنے آنے کے بعد جشن منایا گیا اور آتش بازی کی گئی۔ عرب میڈیا رپورٹس کے مطابق گزشتہ ایک برس سے اسرائیلی حملوں کی زد میں رہنے والے غزہ شہر میں بھی ایران کے تل ابیب پر میزائل حملوں پر جشن منایا گیا ہے۔
