Raza Musani 
تہران: ایران کے صدارتی انتخابات کے دوسرے مرحلے میں اصلاح پسند مسعود پزشکیان نے میدان مارلیا۔ مسعود پزشکیان ایران کے نئے صدر منتخب ہوگئے۔ پزشکیان کو 53 اعشاریہ چھ چھ فیصد ووٹ ملے جبکہ سخت گیر انقلابی سعید جلیلی 44 اعشاریہ تین چار فیصد ووٹ حاصل کرکے دوسرے نمبر پر رہے۔ ووٹنگ کی شرح انچاس اعشاریہ آٹھ فیصد رہی۔
پہلے مرحلے میں ووٹر ٹرن آؤٹ 40 فیصد تھا۔ تین کروڑ افراد نے حق رائے دہی استعمال کیا۔ مسعود پیزشیکان نے ایک کروڑ 70 لاکھ ووٹ حاصل کیے۔ سعید جلیلی نے تقریباً ایک کروڑ 40 لاکھ ووٹ حاصل کیے۔ پزشکیان کے حامی مختلف شہروں میں سڑکوں پر نکل آئے اور سڑکوں پر رقص کیا اور کار کے ہارن بجائے۔ پزشکیان کے آبائی شہر ارمیا میں لوگوں نے سڑکوں پر مٹھائیاں تقسیم کیں۔
