Raza Musani 
بیروت: سید مقاومت شہید سید حسن نصر اللہ اور شہید سید ہاشم صفی الدین کو بیروت میں لاکھوں افراد کی موجودگی میں تشیع کے بعد دفن کیا گیا۔ حزب اللہ کے سابق سیکریٹری جنرل اور سید مقاومت شہید سید حسن نصراللہ اور سید ہاشم صفی الدین کو بیروت میں لاکھوں لوگوں کی موجودگی میں آہوں اور سسکیوں کے ساتھ سپرد خاک کیا گیا۔
بیروت میں ہونے والی تشییع میں کمیل شمعون اسٹیڈیم سے لے کر جائے تدفین تک انسانوں کا سمندر تھا۔ مختلف ممالک کے سرکاری اور غیر سرکاری وفود تشییع میں شرکت کے لئے بیروت پہنچے تھے۔ شہید حسن نصرا للہ کی تشییع جنازہ میں ایرانی وزیرخارجہ عباس عراقچی اور پارلیمنٹ کے سربراہ باقر قالیباف نے اعلیٰ سرکاری اور غیر سرکاری وفد کے ہمراہ شرکت کی۔
تشییع جنازہ کے اجتماع سے حزب اللہ کے سربراہ شیخ نعیم قاسم نے خطاب کیا اور شہید حسن نصراللہ اور شہید ہاشم صفی الدین کو خراج عقیدت پیش کیا۔ اس موقع پر ولی امر المسلمین آیت اللہ العظمی سید علی خامنہ ای کا پیغام بھی پڑھ کر سنایا گیا۔
