اردن: ڈرون حملے میں 3 امریکی فوجی ہلاک، 34 زخمی

عمان: اردن میں ڈرون حملے میں تین امریکی فوجی ہلاک اور 34 زخمی ہوگئے۔ میڈیا رپورٹ کے مطابق امریکی فوجی شام اردن سرحد کے قریب خیمے میں سو رہے تھے کہ انہیں خودکش ڈرون سے نشانہ بنایا گیا۔ امریکی صدر جو بائیڈن نے الزام لگایا کہ یہ حملہ ہفتے کو رات گئے شام اور عراق میں ایران کے حمایت یافتہ گروپوں نے کیا.
غزہ میں جنگ شروع ہونے کے بعد یہ پہلا موقع ہے کہ خطے میں امریکی فوجی ہلاک ہوئے ہیں۔ اردن کی حکومت کے ترجمان نے کہا کہ حملہ ان کی سرزمین پر نہیں ہوا اور اصرار کیا کہ یہ شام میں ہوا ہے۔