روٹی پانی کی خواہش میں فلسطینیوں کا مرنا ناقابل قبول ہے، اردوان

انقرہ: صیہونی حکومت سے تعاون جاری رکھنے والے ترک صدر رجب طیب اُردوان نے خبردار کیا ہے کہ روٹی کے ایک ٹکڑے یا ایک گھونٹ پانی کی خواہش میں فلسطینیوں کا مرنا ناقابلِ قبول ہے۔ اردوان نے کہا کہ کوئی کم ترین انسانی وقار کا حامل شخص بھی اس ظلم کو قبول نہیں کر سکتا کہ روزانہ درجنوں بے گناہ لوگ اس لیے مرتے ہوں کیونکہ انہیں روٹی کا ایک ٹکڑا یا پانی کا ایک گھونٹ نہیں ملتا۔ ترک صدر نے کہا کہ جو بھی غزہ میں نسل کشی کے بارے میں خاموش رہتا ہے وہ اسرائیل کی طرف سے کیے گئے انسانیت کے خلاف جرائم میں شریک ہے۔ انہوں نے زور دے کر کہا کہ ان تاریک دنوں میں جب بھوک سے بڑے پیمانے پر اموات شروع ہو چکی ہیں، میں پوری عالمی برادری سے اپیل کرتا ہوں کہ وہ انسانیت کے لیے متحد ہو جائیں.