اسلامی خزانے سے غیر مسلم عبادت گاہ کی تعمیر جائز نہیں، وفاق المدارس الشیعہ

 اقلیت کے اخراجات سے مندر کی تعمیر پر اعتراض نہیں، حکومت انہیں تحفظ فراہم کرے
لاہور ( پ ر ) وفاق المدارس الشیعہ پاکستان کے سیکریٹری جنرل علامہ محمد افضل حیدری نے کہا ہے کہ پاکستان اسلامی ملک ہے۔جہاں آئین اور قانون کے مطابق اقلیتوں کو مذہبی آزادی حاصل ہے، لیکن اسلامی مملکت کے قومی خزانے سے غیر مسلم عبادت گاہ کی تعمیر جائز نہیں، ہاں اقلیتیں خود اپنے خرچ پر اپنی عبادت گاہ تعمیر کرنا چاہیں تو کسی کو اعتراض نہ ہوگا، حکومت انہیں تحفظ فراہم کرے،انہوںنے سابق وزیر خارجہ خواجہ آصف کے بیان کی مذمت کرتے ہوئے کہا کہ اسلام کو تمام مذاہب پر برتری حاصل ہے ، کیونکہ اسلام کی آمد کے ساتھ ہی سابقہ تمام شریعتیں منسوخ ہوچکی ہیں ، خواجہ آصف کے نزدیک اگر تمام مذاہب برابر ہیں اور اسلام کو کسی مذہب پر فوقیت حاصل نہیں تو انہیں چاہیے کہ وہ خود کوئی دوسرا مذہب اختیار کر لیں، اسلامی معاملات کی غلط تشریح نہ کریں