پنجاب کی جامعات میں ترجمہ کے ساتھ قرآن پڑھنا لازمی قرار

جامعات میں قرآن مجید ترجمے کےساتھ پڑھے بغیر ڈگری نہیں ملے گی،گورنر
لاہور (نیوز ڈیسک) پنجاب کی جامعات میں ڈگری کے حصول کیلئے قرآن مجید ترجمے کے ساتھ پڑھنے کی شرط لاگو کر دی گئی ،پنجاب کی تمام جامعات میں لیکچررز طلبہ کو ترجمہ کے ساتھ قرآن پڑھائیں گے جو کہ اسلامیات کے مضمون کے علاوہ پڑھایا جائے گا ،گورنر پنجاب چوہدری سرور کا کہنا ہے کہ پنجاب کی جامعات میں قرآن مجید ترجمے کےساتھ پڑھے بغیر ڈگری نہیں ملے گی ، قرآن پاک کی تعلیمات پر عمل پیرا ہو کر ہی دنیا اور آخرت سنواری جا سکتی ہے۔