Raza Musani 
دوحہ : اسرائیلی جنگی جنون اور ہٹ دھرمی کے باعث غزہ میں جنگ بندی کے لیے مذاکرات بے نتیجہ ختم ہوگئے۔ حماس کے مطابق اسرائیلی وزیراعظم اپنے اقتدار کو بچانے کے لیے غزہ میں جنگ کو طول دینا چاہتے ہیں۔ حماس کسی صورت ہتھیار نہیں ڈالے گی اور اسرائیل کا ڈٹ کر مقابلہ کرے گی۔ اسرائیلی وزیراعظم نے کہا کہ اسرائیل حماس کے کسی شرط کو ماننے کے لیے تیار نہیں ہم ایک ایک یرغمالی کی واپسی چاہتے ہیں۔ جب تک یرغمالی واپس نہیں آتے اور غزہ سے حماس کا خاتمہ نہیں ہوتا ہماری فوجیں غزہ میں کارروائی جاری رکھیں گی۔امریکی قومی سلامتی کے مشیر جیک سلیوان نے کہا ہے کہ مذاکرات کی ناکامی قابل افسوس ہے۔
