اسرائیلی فوج نے غزہ کو اجتماعی قبر میں تبدیل کردیا ہے، ایم ایس ایف

غزہ : ڈاکٹرز ود آؤٹ بارڈرز (ایم ایس ایف) نے کہاہے کہ اسرائیل نے غزہ کو فلسطینیوں اور ان کی مدد کے لیے آنے والوں کی اجتماعی قبر میں تبدیل کردیا ہے۔ ایم ایس ایف نے غزہ میں فلسطینیوں کے قتل عام اور ان کے مصائب کو کم کرنے کی کوشش کرنے والے رضاکاروں پر اسرائیلی حملے کی مذمت کی۔ ایم ایس ایف کی عہدیدار اماندے بازرولے نے کہا ہےکہ غزہ پر اسرائیلی حملے انسانی ہمدردی کے کام کرنے والوں کے تحفظ سے استثنیٰ کو ظاہر کرتے ہیں۔ بازرولے نے کہا کہ ہم اپنی آنکھوں کے سامنے غزہ کی پوری آبادی کی تباہی اور جبری بے گھری کا مشاہدہ کر رہے ہیں۔ انہوں نے کہا کہ طبی سہولیات اسرائیلی حملوں اور انخلاء کے احکامات سے مستثنیٰ نہیں ہیں۔ ایم ایس ایف کی ٹیموں کو بہت سی سہولیات چھوڑنی پڑی ہیں۔ کہیں بھی محفوظ نہ ہونے کے باعث رضاکاروں کو کام کیلئے شدید جدوجہد کرنا پڑرہی ہے۔