اسرائیلی فوج کا جلوس جنازہ پر حملہ، 24 گھنٹوں میں 22 فلسطینی شہید، 57 زخمی

غزہ : غاصب صیہونی فوج نے غزہ میں جلوس جنازہ پر بم برسادئے۔ حملے میں آٹھ فلسطینی شہید اور بیس زخمی ہوگئے۔ صیہونی فوج نے غزہ کے نصیرات پناہ گزین کیمپ پر اس وقت حملہ کیا جب فلسطینی ایک شہید کے جنازے کیلئے جمع تھے۔ حملے کے زخمیوں کو مختلف اسپتالوں میں منتقل کیا گیا جہاں متعدد کی حالت تشویشناک بتائی جا رہی ہے۔
صیہونی فوج نے غزہ سٹی۔ دیر البلاح اور دیگر علاقوں پر بھی فضائی حملے کئے جس میں نتیجے میں چودہ افراد شہید اور سینتیس زخمی ہوگئے۔ گذشتہ روز صبح سے رات تک جاری حملوں میں شہدا کی تعداد بائیس ہوگئی۔