اسرائیل اپنے کئے کی سزا سے نہيں بچ سکے گا، انصار اللہ

صنعا: انصار اللہ کے ترجمان محمد عبدالسلام نے کہا ہے کہ یمن کے خلاف اسرائیل کی وحشیانہ جارحیت کا مقصد یمن پر دباؤ ڈالنا ہے کہ وہ غزہ کی حمایت بند کر دے جو ایک خواب ہے جو پورا نہیں ہو گا۔ اسرائیل میں اہم اہداف کو نشانہ بنائیں گے۔
انصاراللہ کے رہنما علی القحوم نے کہا کہ الحدیدہ بندرگاہ پر صیہونی فوج کے حملے کے جواب میں صیہونیوں کو دردناک اور منہ توڑ جواب کا انتظار کرنا چاہیے اور یہ جواب بہت جلد دیا جائےگا۔ اس جارحیت کا جواب راستے میں ہے جو تمہارے لئے بہت ہی دردناک پشیمان کرنے والا ہوگا ہمارا جواب ایسا ہوگا کہ تم یا بھاگنے پر مجبور ہوگے یا پھر پناہ گاہوں میں ٹھکانہ لوگے۔ یمنی عہدیدار کا کہنا تھا کہ اے صیہونیو! تم اپنے اس حملے سے زیادہ خوش مت ہو اور تم اپنے کئے کی سزا سے نہيں بچ سکو گے۔