Raza Musani 
نیویارک : اقوام متحدہ کے سیکریٹری جنرل انتونیو گوتریس نے مغربی کنارے میں اسرائیلی کارروائیوں کی مذمت کی ہے۔ اقوام متحدہ کے سیکریٹری جنرل انتونیو گوتریس نے مغربی کنارے میں اسرائیلی فوج کی کارروائیوں کو تشویشناک قرار دیا ہے اور اسرائیلی فوج کے حملوں میں فلسطینیوں کی شہادت پر افسوس کا اظہار کیا ہے۔اقوام متحدہ کے سیکریٹری جنرل کے ترجمان اسٹیفن دوجارک نے کہا کہ اسرائیلی حملے عالمی قوانین کی خلاف ورزی ہیں۔ اقوام متحدہ کے سیکریٹری جنرل نے نے ورلڈ فوڈ پروگرام کی گاڑی پر فائرنگ کی بھی مذمت کی۔ حملے کے بعد ورلڈ فوڈ پروگرام نے غزہ میں اپنا کام معطل کردیا ہے۔ انتونیو گوتریس نے کہا کہ ورلڈ فوڈ پروگرام پر حملہ افسوسناک ہے۔اسرائیلی فوج نے اقوام متحدہ کے واضح نشان والی گاڑی پر فائرنگ کی جبکہ اقوام متحدہ کے ادارے اسرائیلی فوج کو اپنی ہر نقل و حرکت سے آگاہ کرتے ہیں۔اس کے باوجود اقوام متحدہ کی گاڑی پر حملہ پریشان کن ہے۔
