Raza Musani 
نیویارک: اسرائیل نے اپنے یرغمالیوں کی رہائی کے معاہدے کی حمایت میں سلامتی کونسل کی قرادار کو مسترد کردیا۔ اقوام متحدہ میں اسرائیل کے مستقل مندوب گیلاد اردن کے مطابق وہ مسودے میں الفاظ کی تبدیلی چاہتے ہیں۔ اقوام متحدہ میں اسرائیلی مندوب گیلاد اردن نے اپنی امریکی ہم منصب لنڈا تھامس گرین فیلڈ کو بتایا کہ یروشلم سلامتی کونسل کی اس قرارداد کی مخالفت کرتا ہے جو واشنگٹن کی جانب سے پیش کی جا رہی ہے جس میں اسرائیل کی طرف سے گزشتہ ہفتے یرغمالی جنگ بندی کی تجویز کی حمایت کا اظہار کیا گیا ہے۔ متوقع طور پر قرار داد پر پیر کو ووٹنگ ہوگی ۔امریکہ مستقل طور پر سلامتی کونسل میں اسرائیلی مفادات کا تحفظ کرتا چلا آرہا ہے۔لیکن اسرائیلی مؤقف سے اس کی سبکی ہوسکتی ہے۔جس پر سلامتی کونسل کے مستقل ارکان روس اور چین کی طرف سے مزید خاطر خواہ پش بیک اب بھی آ سکتا ہے۔ امریکہ اسرائیل مخالف قراردادوں کو ویٹو کرنے کے لیے جانا جاتا ہے، جس میں اسرائیل-حماس جنگ سے متعلق قراردادیں بھی شامل ہیں۔
