Raza Musani 
صنعا: اسرائیل نے یمن کی بندرگاہ حدیدہ پر آئل تنصیبات پر حملہ کردیا۔ حملے میں تین افراد شہید اور 80 سے زائد زخمی ہوگئے۔
اسرائیلی فوج نے تل ابیب پر یمن کے ڈرون حملے کے ایک دن بعد یمن میں الحدیدہ کی بندرگاہ پر حملہ کیا۔ یمن کے المسیرہ ٹی وی نے کہاہےکہ اسرائیلی حملے میں تیل ذخیرہ کرنے کی تنصیبات اور ایک پاور پلانٹ کو نشانہ بنایا گیا جس سے آگ بھڑک اٹھی۔ لیکن اسرائیلی فوج نےکہا ہے کہ اس نے یمن میں فوجی اہداف کو نشانہ بنایا۔ وزارت صحت نے حملے میں تین اموات اور ستاسی افراد کے زخمی ہونے کی تصدیق کی ہے۔ زیادہ تر افراد جھلس کر زخمی ہوئے۔ اسرائیلی وزیر دفاع یوو گیلنٹ نے کہا کہ ان کے ملک کا مقصد حوثی تحریک کو پیغام دینا ہے۔ حدیدہ میں بھڑکنے والی آگ پورے مشرق وسطیٰ میں نظر آرہی ہے اور اس کی اہمیت بالکل واضح ہے۔
