Ilyas 
آیا مرد صرف اے ٹی ایم مشین ہے؟
ایک قابل توجہ نکتہ یہ ہے کہ مکمل طور پر خاتون کا اپنے پاؤں پر کھڑا ہونا ہمیشہ ٹھیک نہیں۔ ایک غلطی جس کا بعض خواتین شکار ہیں یہ ہے کہ مرد کو صرف اے ٹی ایم مشین کی طرح سمجھتی ہیں اور سوچتی ہیں مرد کا فرض صرف پیسے کما کر دینا ہے۔ شاید بعض زبان سے نہ کہیں لیکن عمل سے یہی ظاہر کرتی ہیں۔ کس طرح؟
مثلاً ایک خاتون پوچھتی ہے میرا ڈرائیونگ سیکھنا کیسا ہے؟
اس کے جواب میں کہنا چاہیے،ہر چیز سیکھنا اچھی بات ہے لیکن اگر آپ ڈرائیونگ اس لئے سیکھنا چاہ رہی ہیں کہ سارے کام خود کرسکیں،
بچے کو اسکول چھوڑ آئیں یا ڈاکٹر کے پاس لے جائیں، اپنے میکے خود ہی جائیں، گھر کی ضروریات کی چیزیں خود ہی خریدیں۔۔۔۔۔وغیرہ، تو جان لے کہ یہ چیز زندگی کو نقصان پہنچائے گی۔ وہ اس نیت سے کررہی ہے کہ اپنے پاؤں پر کھڑی ہوجائے، لیکن متوجہ نہیں ہے کہ خود اپنے پاؤں پر کلہاڑی مار رہی ہے۔
توجہ کیجئے! جب بچہ بیمار ہو جائے تو اپنے شوہر کو فون پر اطلاع دیں اور کہیں دو گھنٹہ جاب کی چھٹی لے کر آئیے تاکہ ڈاکٹر کے پاس لے جاسکیں۔
اگر وہ کہیں نہیں آسکتا، بہت کام ہے تو آپ کہیں چلیں کوئی بات نہیں، مجبوراً مجھے ہی لے جانا ہوگا ۔ آپ کے شوہر کو پتہ ہونا چاہیے کہ آپ کتنی مشقت سے ڈاکٹر کے پاس لے گئیں۔ لیکن اگر آپ خاموشی سے سارے کام انجام دیں تو آہستہ آہستہ یہ آپ کی ذمہ داری میں تبدیل ہو جائے گا۔ جب شوہر گھر آکر دیکھے گا کہ آپ بچے کو ڈاکٹر کے پاس لے گئی ہیں اور دوائیاں بھی خرید لی ہیں تو وہ آسودہ حال ہوجائے گا شاید کہے کہ شکریہ کہ آپ لے گئیں۔
لیکن کچھ عرصے بعد آپ کی ذمہ داری کا حصہ بن جائے گا۔جب ذمہ داری بن جائے اور خاتون نہ کرے تو شاید شوہر مواخذہ کرے کہ کیوں نہیں لے گئی۔
آپ اپنے اس عمل سے درحقیقت شوہر سے کہہ رہی ہیں آپ ایک اے ٹی ایم مشین ہیں۔ آپ صرف مجھے پیسے دیں، باقی سارا کام میرے ذمہ۔
شوہر کو ایک ذمہ دار شخص ہونا چاہیے اور گھر کی مشکلات اور جزئیات سے خود کو الگ نہیں کرنا چاہیے۔ اگر آپ بہت اچھی بن رہی ہوں کہہ کر یا اپنے پیروں پر کھڑا ہونا ہے کہہ کر ساری ذمہ داریاں اپنے کندھوں پر ڈالیں گی تو آپ ہی کی زندگی کو نقصان پہنچے گا۔
شاید شروع میں آپ کو اچھا لگے کہ میں اپنے پیروں پر کھڑی ہوگئی ہوں لیکن جب آپ کی عمر بڑھتی جائے گی، بچے بڑے ہوتے جائیں گے تو آپ کا کام مشکل ہو جائے گا۔ مرد اس وقت آپ کے کام انجام دینا قبول نہیں کرے گا، کہے گا خود ہی کرو۔ لیکن اگر آپ انہیں بتائیں گی کہ
"میں باہر کے کام مجبوراً کررہی ہوں”
تو وہ آپ کے کام کو فدا کاری شمار کرے گا، فریضہ نہیں۔
یہ ایک حقیقت ہے کہ زندگی میں خاتون کا مکمل طور پر اپنے پاؤں پر کھڑا ہونا شوہر کو گھر کے معاملات میں ٹھنڈا اور دور کردیتا ہے۔
