خطرناک ملک قرار دینے پر عراق کا یورپ سے احتجاج

جرمنی عراق پر ترکی کی فوجی جارحیت کی مذمت کرے، عراقی نمائندہ
بغداد (نیوز ڈیسک) یورپی یونین نے عراق کا نام منی لانڈرنگ اور دہشت گردی کی مالی امداد کے حوالے سے خطرناک ملکوں کی فہرست میں شامل کر دیا،عراقی وزارت خارجہ نے یورپی یونین کے فیصلے پر ایک بار پھر کڑی نکتہ چینی کی ہے ،برلن میں تعینات عراقی ناظم الامور نے جرمنی کے وزیر مملکت برائے امور خارجہ سے ملاقات کی جس میں انہوں نے جرمنی سے مطالبہ کیا وہ یورپی یونین کے اس فیصلے کی مخالفت اور عراق پر ترکی کی فوجی جارحیت کی مذمت کرے، گزشتہ ہفتے بھی عراق کی وزارت خارجہ نے یورپی یونین کے اس فیصلے پر شدید احتجاج کیا تھا