Raza Musani 
ماسکو : ایرانی صدر ابراہیم رئیسی نے کہا ہے کہ ایران اور روسی فیڈریشن کے درمیان تعلقات کی بہتری کی راہ میں کوئی رکاوٹ نہیں ہے۔ روسی صدر ولادیمیر پیوٹن سے ملاقات میں ایرانی صدر نےکہا کہ ہمارے پاس روس کے ساتھ تعلقات کی توسیع اور ترقی کی کوئی حد نہیں ہے اور ہم ماسکو کے ساتھ اسٹریٹجک تعلقات کے قیام کے خواہاں ہیں دونوں صدور کی
ملاقات میں دونوں ممالک کے مشترکہ مسائل ، اقتصادیات اور تعلقات کی ترقی پر تبادلہ خیال کیا گیا اور خطے اور بین الاقوامی مسائل میں ایران اور روس کے مضبوط کردار کا جائزہ لیا گیا۔ ایرانی صدر نے کہا کہ دونوں ممالک کے حکام مسائل کو حل کرنے اور تعلقات کو فروغ دینے کے لیے کوشاں ہیں انہوں چین کے ساتھ اسٹریٹجک تعاون کی دستاویزات کاذکر کرتے ہوئے کہاکہ 20 سالوں میں یہ دستاویز تعلقات کے افق کا خاکہ پیش کر سکتی ہیں۔ انہوں نے کہا کہ ہم روس کے ساتھ تجارتی تعلقات کے حجم کو بڑھانے اور مختلف شعبوں میں تعاون کی کوششیں کریں گے۔ صدر رئیسی کا کہنا ہے کہ ایران، روس علاقائی سلامتی اور استحکام چاہتے ہیں، یکطرفہ پن کو روکتے ہیں۔
صدر رئیسی کا کہنا ہے کہ ایران، روس علاقائی سلامتی چاہتے ہیں۔
ایرانی صدر ابراہیم رئیسی کا کہنا ہے کہ ایران اور روس اپنے مشترکہ اقدامات کے ذریعے خطے میں سلامتی کی راہ پرعمل پیرا ہیں ایرانی صدر نے کہا کہ تہران ان کوششوں کے درمیان ہے جس کا مقصد ملک کے خلاف امریکہ کی غیر قانونی اور یکطرفہ پابندیوں کو ہٹانا ہے۔ہم 40 سال سے زیادہ عرصے سے امریکا کا مقابلہ کر رہے ہیں۔ ہمیں امید ہے کہ یہ کوششیں پابندیوں کے خاتمے کا باعث بنیں گی، پابندیوں کا خطرہ ایران کی ترقی کی راہ میں رکاوٹ نہیں بن سکتا۔
